mawiwindang ka..

... at ayan ka na naman. Nagbalik kasi 'siya1.' Malaya ka na ulit - malayang gawin ang lahat ng gusto mo. Nagbago ka na naman. Parati na lang... Hindi ka na nadala, kahit na alam mo naman kung sino2 talaga ang kailangan mo. Lagi na lang.. tuwing gabing kaharap mo siya1 - ayan na naman.

Babagsak.

Tapos, iiiwan mo 'siya1', at magbabalik sa kanyang2 alam mong mas tama. At tatanggapin ka naman niya2. Ewan ko ba - ewan mo rin. Hindi ko siya2 maintindihan - hindi mo rin siya2 maintindihan.. pero ayos lang.. dahil pagkatapos ka niyang2 tanggapin at buhatin at itaas, malaya ka nanaman. At dahil malaya ka na naman, babalik ka na naman sa 'kaniya1' - sa kanyang1 magpapabagsak muli sa iyo. Kahit na sinabi mong nagsisi ka na.

Kung pwede ka lang sana niyang2 batukan at sampalin para magbago ka, nagawa na niya2 pero hindi - masakit yun e. Hinahayaan ka na lang niyang2 bumalik sa 'kaniya1.' At kapag nangyari nga iyon, uulit na naman..

babagsak..
babalik..
magsisisi..

..paulit-ulit na lang. Pero matatapos din iyon. Matatapos iyon kapag nalaman mo kung bakit mali ang mali. Windang ka kasi (sabi mo..)- windang sa pang-araw araw (maliban tuwing miyerkules) na gawain. Sabi mo malungkot ka kaya ka nagpupunta sa 'kanya1' (oo nga pala, pinapasaya ka rin 'niya1' tulad niya2).
Sabi mo pagod ka - walang magawa - walang makausap(o maka-"chat"?) - at marami pang dahilan..

Gayunpaman, tinatanggap ka pa rin niya2. Kung hindi ka kasi babagsak sa 'kaniya1,' hindi mo malalamang mahina ka pala - mahina, at hindi magpupunta sa kaniya2 na mas malakas. Akala mo nga kasi, kaya mo na ang lahat - akala mo'y matayog na ang lipad ng iyong ugatpak - pero hindi, dahil katulad mo lang si marina, si marina na gagapang lang kung nasa lupa.

..at gumagapang ka na naman. Ngunit itinaas ka na niya2 kaya lumilipad ka na naman. Mananatili ka sa kanya2 sa sandaling panahon, pero magsasawa ka rin - baliw ka ata.

Pero..

Buti na lang..

andiyan siya2 lagi.